مهزله فى حفله تامر حسنى فى المنصوره و البنات اغمي عليها ادخلوا ??

ازيكم يا جماعه.....



انا جايبلكم اخبار الحفله اللي اتعملت ف المنصوره

و كمان المهزله اللي حصلت هناك

و انا هحكيلكم ع اللي حصل عشان

انا كنت هناك

الحفله كانت منظمه كالاتى


البنات تكون فى ارض الملعب لواحدها جمب الاستدج والشباب على

المدرجات لاعدام اى مشكله ممكن تحصل فى الحفله زى الحفلات اللى

بتحصل ودى بصراحه حاجه عجبتنى اوووووووى من التنظيم

المهم بدا الدى جي يشتغل على الساعه 6 او 6 ونص تقريبا مع ياسر

الحريرى وقدم عرض جميل جدا

بعديها مش عارف شخص كان ماسك المايك بعد عرض ياسر والاغانى اللى

كانت شغاله وفضل يسخن فى الشباب ويقول تامر بيقول عاوز ارض الملعب

كله يكون مليان والشباب كلها تنزل والكلام ده

ومن هنا حصلت فوضى كبيره اووووووووووى

وان الشباب كانت بتنط من المدرجات لارض الملعب ودون اى مراقبه من

الشرطه وطبعا الملعب كله بنات

قبل ما تامر يدخل بحاجه بسيطه يعنى على الساعه 9 تقريبا بدا ازدحام

شباب وبنات مع بعض بطريقه غبيه

وبنات بتصرخ وشباب بتزدحم بطريقه عشوائيه

تامر وصل وانا وشباب اللفرز كنا موجودين ورا الاستدج مستنينه لحظه دخوله

وكان باين عليه التعب جدا


وبعدين دخل تامر حسنى والازدحام بدام

بعدها باغنيه طلع شاب طبعا حضن تامر وسلم عليه والامن كان هايمنعه

ولكن تامر قاله سيبه وسلم عليه

بعديها حصل ازدحام بطريقه غبيه من الشباب على البنات وبدات من هنا

الكوارث

تامر وقف الحفله لان فى بنت اغمى عليها وبنات بتقع على الارض والشباب

طبعا بيدوسو عليهم ومنظر زباله اوى

وتامر مش عارف يغنى

وجم منظمين الحفله يتكلمو والشرطه دخلت وتمنع الناس على قد ما تقدر

برضو مفيش فايده كل شويه بنت تقع ويغمى عليها والاسعاف شغاله

وتامر اتخنق وبرضو الدنيا كلها تكلم الناس والشباب ترجع ورا مفيش فايده

وانا ببص لتامر فى عينه لقيه نظره حزن ودموع فى عينيه

وتامر مكنش عارف يغنى وكان هايمشى واتخنق

لحد ما الناس هديت شويه واول ما بدا فى الغنا تانى

شاب نده عليه وقله فى خناقات تحت الاستدج

وتامر وقف الحفله تانى قال يا جماعه مينفعش اللى بيحصل هنا

انا جاى النهارده عشانكو مش عشان نشوف الطريقه اللى بتحصل دى

وانت شباب وجامعيين

وبرضو مفيش فايده فى الكلام

والتزاحم مستمر

وهادى عادى منظم الحفلات يتكلم ويزعق مفيش فايده

والمسؤل عن اسبوع شباب الجامعات اتكلم برضو مفيش فايده

وكان منظر مآساوى بصراحه

وتامر مكملش بعدها نص ساعه وكان لازم يختم الحفله دى

لانه لو كان استمر كان هايبقى فى كوارث والناس اللى بتقع فى الحفله دى

كان ممكن يجرالها حاجه

والحفله الحمد لله عدت على خير

بس مكنش خير ابدا اللى كان فيها

وده ملخص للحفله ككل

واى كلام حصل زياده مظنش انه كان فيه

[font="Arial"][/FONT

طبعـآ الحفلة خلصت بدرى او اتلغت بسبب التنظيم الفاشل
والبنات اللى بيغمى عليهم والاسعاف يشيل والخناقات

بوسترات الحفل

دى بقى فيديوهات الحفلة


دخول تامر الحفل


http://www.crazymuzic.net/short/17683


دة مقطع من الحفلة والخناقة


http://www.crazymuzic.net/short/17684


خروج تامر من الحفل

http://www.crazymuzic.net/short/17685



مـــــــــــــــــــــــع تـــــــــــــــحـــــــيــــــــــات

زيزو

هههههههههههههههههههه

يا جماعه طبيعي طبيعي ده تييييييمو


بس هوا زياده شويه بس عادي

ما في كل حفلاتو في مصايب